Լեգենդը վերադառնում է 

Rocco-ն առաջին անգամ հայտնվեց անցյալ դարի վաթսունականներին, իսկ հետո հանկարծակի անհայտացավ՝ կարծես սուզվելով ընդհատակ, որպեսզի 2014 թվականին նորից վերադառնա համաշխարհային հարթակ արդեն rocco by Rodenstock հավաքածուով։ Ռետրո ոճի և գերժամանակակից նյութերի կիրառման շնորհիվ այս շրջանակները կարճ ժամանակում դարձան հայտնի ամենախստապահանջ նորաոճների շրջանում։ Դեղին եզրագծումն այս շրջանակների տարբերակիչ առանձնահատկությունն է, որը յուրաքանչյուր ակնոցին հաղորդում է ուրույն անհատականություն։

Roberto Cavalli շրջանակների հավաքածուները  իտալական Marcolin ընկերության վառ, շռայլ, էքստրավագանտ նմուշներ են՝ նախագծված անկախ և խիզախ կանանց համար, ովքեր  սովոր են գտնվել ուշադրության կենտրոնում և իրենց վրա սևեռել շրջապատողների հիացած հայացքները: Կանացի նոր շրջանակներում կատարելապես բալանսավորված են նրբագեղ դիզայնն ու Marcolin-ի փորձառու վարպետների տեխնիկան։   

Porsche Design ակնոցները ֆունկցիոնալության և բարձրորակ շքեղության ներդաշնակ համադրությունն են։ Արտակարգ, մինիմալիստական և ժամանակին «չենթարկվող» հավաքածուները տարբերվում են նաև իրենց նորարարական ստանդարտներով։ Տեխնիկական նորարարությունն ու բարձրորակ արտադրությունը համապատասխանում են ամենաբարձր տեխնոլոգիական չափանիշներին։

Pepe Jeans ակնոցներն առաջարկում են գերժամանակակից, երիտասարդ ոճ՝ հետաքրքիր նմուշներով, որոնք մարտահրավեր են նետում ժամանակակից նորաձևությանը իրենց ավանգարդ ստեղծագործություններով։ Գրավիչ շրջանակներ ստեղծելու համար օգտագործվում են նրբագեղ գույներ և նուրբ տարրեր։

Montblanc  բրենդը, որն իր անունը ստացել է ի պատիվ Եվրոպայի ամենաբարձր գագաթի, հայտնի է որպես բարձրակարգ աքսեսուարներ արտադրող ընկերություն։ Montblanc-ի շրջանակների եւ արևային ակնոցների հավաքածուն, ընկերության մյուս լյուքս դասի աքսեսուարների նման,  պահպանել է բրենդին բնորոշ ոճը, որն ընդգծվում է դրանցում տարբեր տարրերի օգտագործմամբ։ Բրենդի առավել հայտնի տարրը աստղն է։ Բոլոր մոդելները պատրաստված են ժամանակակից նյութերից` հատուկ մետաղական համաձուլվածքներից, դիմացկուն պողպատից եւ տիտանից։

MiraFlex իտալական բրենդը արտադրում է շրջանակներ՝ նախատեսված տարբեր տարիքի երեխաների համար։ Այն արտացոլում է իտալական արտադրանքի ձեռագիրը՝ ճկուն և ապահով պլաստիկ շրջանակներ առանց մետաղական մասերի (Flexible& Safe)։ Պատրաստման ընթացքում մասնագետները հաշվի են առնում երեխայի գլխի անատոմիական կառուցվածքի առանձնահատկությունները։ MiraFlex-ը հանդիսանում է ամենաապահով տարբերակը՝ երեխայի տեսողության համար։ MiraFlex շրջանակների ամբողջ հավաքածուն հակաալերգիկ է, չի պարունակում լատեքս և պատրաստված է ճկուն ու չկոտրվող նյութից։ Ավելի քան 20 տարի է, որակական հատկանիշներով այն իր տեղը չի զիջում միջազգային շուկայում։

Նրբաճաշակ բոլոր առանձնահատկություններով

Ինչպես Mercedes-Benz ավտոմեքենաները, այնպես էլ Mercedes-Benz Style շրջանակները դիզայնի և նորարարության համադրումն են։ Դա արտացոլվում է նորարարական նյութերի, գունային զուգորդումների, ձևերի և կառուցվածքների համադրություններում։ Mercedes-Benz-ն ու Rodenstock-ը մարմնավորում են գերմանական վարպետության, սովորույթների ու որակի ամենաբարձր մակարդակները։ Mercedes-Benz Style հավաքածուն իր մեջ համատեղում է շքեղությունն ու բացառիկությունը՝ ապահովելով այն կրելու գերազանց հարմարավետության զգացողություն։

Հիանալի, ոչ ավանդական և նորաոճ․ Marimekko-ն ներկայացնում է իր վերջին օպտիկական հավաքածուն։ Դրանց համարձակ, դրական գծերը վերաիմաստավորվում են ֆիննական դիզայներական դպրոցի կենսունակ ոճի ու եզակի երանգների կիրառմամբ։ Ընդհանրապես Marimekko-ն իր բոլոր հավաքածուներում օգտագործում է դասական ոճն ու երանգները։

Just Cavalli-ն ժամանակակից նորաձևության ասպարեզում ամենապայծառ դիզայներներից մեկն է։ Նրա ոճը իսկական գունավոր, զգացմունքային ու երևակայական հրավառություն է հիշեցնում։ Just Cavalli-ի օպտիկական շրջանակների հավաքածուն արտացոլում է դիզայների ինքնատիպ ոճն ու պատկերացումները։ Դասական ոճի վերաիմաստավորում  վառ գույներով, անսովոր համադրություններով և անկրկնելի իտալական որակով․ ահա ամենը Just Cavalli-ի շրջանակների ու արևային ակնոցների մասին։

Օրիգինալ երանգներն ու համարձակ, վառ գույները հանդիսանում են Joules eyewear հավաքածուի հիմնական բաղադրիչները: Մանրակրկիտ ուշադրություն դարձնելով դետալներին, Joules-ի ապրանքանշանների նապաստակները կարելի է նշմարել շրջանակի անկյուններում ու քթի բարձիկներին: Little Joule հավաքածուի օպտիկական շրջանակները իրենցից ներկայացնում են մեծահասակների համար նախատեսված շրջանակների ավելի փոքր չափսերով տարբերակները։ Վառ, կենսունակ գույներով և ավանդական երանգներով յուրահատուկ համադրությունները Joules eyewear կրողներին իսկապես առանձնացնում են ընդհանուրից։

Jil Sander բրենդը ժամանակակից շքեղության խորհրդանիշն է։ Շրջանակների նոր հավաքածուն ասվածի լավագույն ապացույցն է։ Այստեղ պահպանողական և մինիմալիստական ոճերով համադրված բացառիկ վարպետությունը հասցված է կատարելության: Հանգստությունն ու բրենդի արդեն լեգենդ դարձած զուսպ ոճը առաջին հերթին կոչված են ընդգծելու Jil Sander կրողների անհատականությունը։

Hackett Bespoke` ակնոցների դասական վայելչություն։ Պատրաստված է ձեռքով, լավագույն ացետատային նյութից և խնամքով։ Ոճը մշտապես արդի է, և անկախ է բոլոր տեսակի նոր միտումներից։ Այս ոճում ժամանակը կարծես դանդաղում է՝ տեղը զիջելով նորին, սակայն պահպանելով հավատարմությունը ավանդույթներին։